Detallu Kompetisaun Planu Negósiu
Manan nai sira simu premiu Kompetisaun Plano Negosiu nian
IADE nia papél importante liu ida mak atu ajuda kria liu tan Kultura Emprezárial iha Timor-Leste – halo ema intersadu iha kestaun negósiu, no ajuda sira atu haree negósiu no hamosu servisu ba an rasik nudar opsaun karera positivu ida.
Hahu iha 2013, ami nia planu kompetisaun negósiu popular anual, hetan ona Timor-oan atus resin no enkoraja sira atu mai ho ideias negósiu inovativu no fornese edukasaun kona-ba prinsípius negósiu basiku.
Planu Kompetisaun Negósiu ne’e loke ba Timor-oan hotu-hotu ho idade entre 17-45 no aplikasaun sira mai husi Timor-Leste laran tomak.
Programa KPNI nia objetivu primeiru mak atu fo asistensia ba emprendedor Timor oan liu-liu foin sae hodi identifika oportunidade negosiu hodi hili ideia negosiu foun no prepara sira nia planu negosiu hodi promove negosiu nebe hakarak realiza. Objetivu segundo, atu estimula sustentabilidade kultura empresarial iha Timor - Leste hodi buras diak liu tan atu kontribui desenvolvimento ekonomia rai laran
La ezije esperiensia negósiu. Funsionariu IADE nian sei ajuda aplikantes avalia no dezenvolve sira nia ideias negósiu no fornese treinamentu livre husi kustu iha IADE Dili no Munisípius. Aplikantes hotu-hotu hetan komentárius konstrutivu no sujéstaun oinsa atu dezenvolve sira nia ideia negósiu. Ne’e fó ba emprezárius foun ho dalan ida livre husi risku atu avalia ideia negósiu ida, no oportunidade atu hari rasik moris iha negósiu intersante sira.