Intituto de Apoio ao Desenvolvimento Empresarial (IADE) nudar instituisaun publika ida ne’ebé indirekta ba estadu ninia ofisius sira estabelesidus iha 13 munisipius ne’ebé hetan autonomia administrativa, finanseira no patrimonial. Tau matan ba politika governu nian iha area ne’ebé fornese formasaun, hasa’e kapasitasaun ba mikro, pekenas e medias emprezas nasionais no koperativas sira hodi jere aktividades de negosiu ne’ebé viabel, sustentabilidade ba problemas hirak ne’ebé emprezarius sira hetan liu husi individual ka kolektivu nune’e promove dezenvolvimentu emprezarial iha teritoriu laran tomak.

 IADE hari legalmente iha Lei No. 4/2005 dia 7 fulan junho kona-ba investimentu nasional, husi dekretu guvernu no. 5/2005, dia 27 fulan julho ne’ebé mos hateten katak IADE operasionalija servisu sira hahu husi fulan Janeiro tinan 2006. No tuir fali mai guvernu mos hanoin katak presiza halo revizaun ba Lei Investimentu Nasional ne’ebé iha hodi hamosu fali proposta ba Lei Investimentu Nasional no Externu ne’ebé submete ba Parlamentu Nasional, hodi halo Diskusaun no Aprovasaun Final. IADE iha diresaun ha’at (4) mak hanesan:

1. Diresaun DNFLA (Diresaun Nasional Administrasaun Finansas Logistika e Aprovisionamentu) .
2. Diresaun DNCO (Diresaun Nasional Koperasaun Operasional).
3. Diresaun de Formasaun e Festaun Rekursu Humanu.
4. Diresaun do Planu Monitorizasaun e pesquiza.