IADE nia papél importante liu ida mak atu ajuda kria liu tan Kultura Emprezárial iha Timor-Leste – halo ema intersadu iha kestaun negósiu, no ajuda sira atu haree negósiu no hamosu servisu ba an rasik nudar opsaun karera positivu ida.
Hahu iha 2013, ami nia planu kompetisaun negósiu popular anual, hetan ona Timor-oan atus resin no enkoraja sira atu mai ho ideias negósiu inovativu no fornese edukasaun kona-ba prinsípius negósiu basiku.
Planu Kompetisaun Negósiu ne’e loke ba Timor-oan hotu-hotu ho idade entre 17-45 no aplikasaun sira mai husi Timor-Leste laran tomak.
Happy Winners Celebrate After the Prize Presentation at Timor Plaza in 2015.
Selebrasaun ho Kontente husi Manan na’in Depois Entrega Premiu iha Timor-Plaza iha 2015.
Partisipante sira bele iha ideias negósiu ba kualker setór – importante liu maka ideia ne’e inovativu no ajuda dezenvolve atividade komersiál iha Timor-Leste. Partisipantes susesu iha tinan hirak liu ba sira inkluidu ona planu ida ba restorante movél ida, negósiu ida kona-ba dezenvovimentu planta produtus ai-surat tahan ba xá (Exemplu falun xá) no konseitu pouzada ekolojíka uniku ida.
La ezije esperiensia negósiu. Funsionariu IADE nian sei ajuda aplikantes avalia no dezenvolve sira nia ideias negósiu no fornese treinamentu livre husi kustu iha Dili no Munisípius. Aplikantes hotu-hotu hetan komentárius konstrutivu no sujéstaun oinsa atu dezenvolve sira nia ideia negósiu. Ne’e fó ba emprezárius foun ho dalan ida livre husi risku atu avalia ideia negósiu ida, no oportunidade atu haree karik moris iha negósiu intersante sira.
Planu negósiu hirak tama désimu melhor apresenta sira nia konseitu iha ceremonia importante ida iha Timor-Plaza, no partisipantes na’in tolu sira ne’ebé manan (depois avaliadu husi juis ida husi ekipa peritu) simu premiu. Premiu sira ne’e inklui kapitál fundu ho montante $25,000 atu fó dalan ba manan na’in atu hahu sira nia negósiu. Alein ne’e, partisipantes hirak tama désimu melhor ne’e sei elijível ba rai liur “kona-ba servisu refere” ou treinamentu keda/keahlian delikadeza husi Apoiu Nova Zelandia nian (aplika termus no kondisoens).
Atu buka atualizasaun ikus liu kona-ba planu kompetisaun negósiu iha tinan ida ne’e nian bele klik iha ne’e.
Atu tama ou hetan detalhu liu kona-ba kompetisaun tuir mai, bele kontaktu ita boot sira nia eskritóriu IADE lokál.
IADE nia Planu Kompetisaun Negósiu Anual ne’e hetan patrosíniu laran-luak no patrosinadóres oin-oin hirak fó apoiu ne’e, inklui:
Conoco-Philips
New Zealand Aid
Timor Telecom
ETO
Telkomcel
Pertamina
Karik ita boot intersadu iha parseiria ou patrosíniu, kontaktu ami nia ekipa merkadoria.