KOLHEITA IKAN BE’E MIDAR/NILA
Ministro de Estado Coordenador dos Assuntos Economico MECAE Ofisialmente halo Kolheita Ikan NILA ne’ebe mak hakiak husi Grupu Veteranus Socu Iliheu no mos tau Plaka, Seremonia ne’e Partisipa mos husi Autoridade Municipio no Directro Executivo do IADE no mos Director Geral husi MAF nian.
Foto ; Harii Plaka Grupu Veteranus Iliheu
Foto ; Kolheita Ikan Nila
Iha seremonia ida ne’e Sua Excilencia mos ofisilamente halo Ligasaun Negosiu ka Business Networking entre Faan nain (Grupu Veteranus Suco Iliheu ) no sosa nain ( Grupu Negosiantes Obratu ), asistensia ne’e hetan Apoiu Tekniku husi IADE /CDE ho objetivu atu nune’e bele hamoris sira nia merkadu iha Foturu no asegura ninia sustentabilidade.
Iha okaziaun ne’e Sua Exilencia hatente katak, liu husi Ministeria Ita hahu ajuda ita nia veteranus sira liu husi apoiu hirak ne’e atu nune’e bele ankoraza ita nia joventude hahu hanoin ona halo buat diak ruma iha sira nia moris, alende ida ne’e mos nia hatutan katak, konsumu ikan ne’e diak tamba iha proteina barak, no labarik oan sira kuandu konsumu bele hetan saude ne’ebe mak diak tamba sira mak foturu ba rai ida ne’e. Husu mos ba Grupu sira atu servisu maka’as liu tan bele hetan rezultadu ne’ebe diak liu tan tamba hetan asistensia tekniku husi MAF konaba oinsa atu hakiak ikan ne’ebe mak diak no mos husi IADE/CDE konaba oinsa bele iha Sustentabilidade iha sira nia negosiu rasik.