Timor Leste Building & Construction Expo 2015 loke husi Primeru Ministru

Dili-Eventu Timor Leste Buiding & Constructiona Expo 2015 premeira ves realisa iha Timor lLeste. Expo ne’e fo oportunidade bo’ot ba empresarius nasional sira hodi bele hetan informasaun kona ba konstruksaun ba inovasaun produtu no industria liu-liu iha area konstruksaun, hetan mos informasaun foun kona ba tekniku promosaun. Expo hanesan dalan ida hodi buka oportunidade ba idea foun atu hadia asesu diak liutan ba material konstruksaun, equipamentu konstruksaun, no seluk-seluk tan ne’ebe maka iha ligasaun ho konstruksaun, Expo ne’e loke husi Premeiru Ministru Sr. Rui Araujo akonpanha husi Ministru de Estadu Coordenador dos Assuntus Economico Sr. Estanislau da Silva iha Premeiro Ministro nia deskursu hateten katak  Timor leste iha ona periodu kresimentu ne’ebe forte inklui taxa mediu iha kresementu ekonomiku pur volta 12.5% kada tinan husi 2007 to’o 2011 mazumenus 7% iha tinan tolu liu ba, kresementu ekonomiku ne’ebe forte hanesan kalkulasaun atu kontinua no sai hanesan fonte ba ezizensia ba uma no konstruksaun, governo rekonhese katak industria uma no konstruksaun  inportante tebes ba ita nia desenvolvimentu hafoin ita nia povu brani vota tiha ba independensia, ita nia infrastruktura barak  mak sai estragu. Ita tengke hahu ho buat laiha, hanesan estadu ida ita tengke hahu hari ita nia infrastruktura prinsipal hirak nune’e bele estabelese ekonomia ida ne’ebe maduru no diversifikadu. Iha fulan  marsu nia rohan, parlamentu nasional aprova programa sestu governu konstituisional nian. Programa ne’e estabelese prioridade no asaun hirak ne’ebe Governu sei hala’o hodi hari ita nia ekonomia no desenvolve ita nia nasaun Premeiru Ministru hatutan tan katak Programa ne’e kompostu seitor haat, seitor hirak ne’e mak social, ekonomia, governasaun no desenvolvimentu infrastruktura. Wainhira prioritiza desenvolvimentu infrastruktura hanesan seitor ida husi seitor nasional haat, ami rekunhese seitor ida ne’e sai sentru ba ita nia futuru dehan Sr. Premeiru Ministru. Expo Internasional ne’e partisipa husi exibitores internasional mai husi nasaun Indonesia, Australia, Nova Zelandia, Singapura, Portugal, China, Bangladesh no Srilangka. Expo ne’e loke durante loron tolu nia laran hahu husi 05 to’o 7 Maio 2015 iha Dili Center Area Timor Plaza Dili.

Share this post


Social Media Auto Publish Powered By : XYZScripts.com