IADE fornese kursu treinamentu barak ona ba grupu formadu, adoptadu tuir fase no medida husi negósiu ne’e no esperiensia na’in ninian. Ba emprezáriu no jerente hirak foin hahu etapa primeiru iha dezenvolvimentu negósiu ne’e, ami fornese tipu kursu importante rua:

Lautem Tais3_MED

Luud Tais Kooperativa, Lautem. La haree ba ita-boot sira iha ne’ebé deit iha Timor-Leste, IADE nia kursu treinamentu hirak ne’e bele ajuda ita-boot sira halo ita-boot sira nia mehi negósiu sai realidade.

  • Ba hirak ne’ebé hakarak dadaun atu hahu negósiu ida maibe nia ideias negósiu sedauk dezenvolvidu maka IADE nia Ideias Hamosu Ita-boot nia Negósiu (IHIN) programa treinamentu ne’e atu ajuda halo peskiza no refinasaun konseitu negósiu foun ida.
  • Ba emprezáriu hirak iha ideia negósiu ida, maibe sira lahetene atu hahu husi ne’ebé, ami oferese Hahu Ita-boot nia Programa Treinamentu Negósiu (HINPTN). Kursu ne’e deseñadu atu ajuda ema negósiu sira atu muda sira nia ideias negósiu ba planu asaun negósiu sira ne’ebé bele la’o.

IADE nia treinadór sira hotu-hotu iha esperiensia boot no akreditadu deit. IADE nia matéria treinamentu ba kursu rua ne’e baseiadu ba OTI (Oragnizasaun Trabalhadóres Internasionál) nian, Hahu no Hadi’a Ita-boot sira nia Programa Negósiu (HHIPN) ne’ebé uza ona iha Mundu Tomak. IADE adoptadu ona kursu hirak ne’e tuir Timor-Leste nia kondisaun ne’ebé iha, no susesu ona fó treinu ba grupu sira iha munisípiu Timor-Leste laran tomak.

IADE nia kursu treinamentu deseñadu ba pratika, fó konslleu kona-ba objetus hanesan planeamentu negósiu, livru rejísta, literasaun finanseiru no merkaduria.

Atu diskobre liu tan kona-ba IADE nia kursu treinamentu ba Hahu-Hari Negósiu, kontaktu ami nia ekipa treinamentu.

 

 

Social Media Auto Publish Powered By : XYZScripts.com