SEDL no SEAPRI sei koopera iha formasaun empresarial no informasaun tenderizasaun ba kontraktor PDID

Iha Terça feira 12 Marsu 2013, Secretário de Estado do Desenvolimento Local Sr. Samuel Mendonça no Secretária de Estado para o Apoio e Promoção do Setor Privado, Sra. Veneranda Lemos anunsa kooperasaun entre Secretaria de Estado do Desenvolimento Local (SEDL) husi Ministério da Administração Estatal no Instituto de Apoio ao Desenvolvimento Emprezarial (IADE) ho objektivu atu fo formasaun empresarial no informasaun konaba tenderisasaun ba kontraktor sira nebe hakarak partisipa iha Planeamentu Dezenvolivimentu Integradu Distritál (PDID). IADE instituisaun autonomu ida iha Secretaria de Estado para o Apoio e Promoção do Setor Privado nia okos.

PDID iha objektivu hodi garante orsamentu estadu investe duni iha area nebe’e Distritu no Sub-Distritu defini nu’udar prioridades. PDID atu prepara di’ak liu distritu sira molok transforma ba munisipiu, no atu reforsa mos governu nia politika nebe’e defini iha Planu Estratéjiku Dezenvolvimentu (PED).

Iha fatin hanesan SEAPRI Sra. Veneranda Lemos hateten katak IADE prontu atu fo kapasitasaun ba empresariu lokal sira atu nune’e sira bele hatene oinsa prosesu tenderisasaun no hatene priense kriteria ho lolos no mos konaba kustu ba projeitu refere. SEAPRI espera katak liu husi koordenasaun ne’e, bele iha benefisiu ba empresariu hotu-hotu atu bele hola parte ba programa governu nia iha baze. Sra. Veneranda Lemos mos husu ba kontraktor sira bele visita IADE ou CDE distritu atu bele hetan informasaun kona ba sistema tenderisasaun nebe mak iha, sistema ne’e klaru tebes no espera katak ho sistema informasaun ne’e sei fo benifisiu e informasaun adekuadu atu sira bele asesu ba informasaun prosesu tenderisasaun nebe maka sei oferese husi SEDL no Ministeriu seluk tan.

Iha tempu neeba SEDL Sr. Samuel Mendonça mos hateten katak kooperasaun ne’e importante tebes SEDL rekomenda ba IADE oinsa bele fo kapasitasaun ba empresariu iha teritorio tomak atu nune’e sira bele iha kapasidade sai kontraktor ne’ebe kompetetivu no mos bele prepara an ba estabelesementu kamara Munisipu, no SEDL mos espera katak kompania lokal iha distritu hotu bele partisipa no mos akompanha treinamentu no kapasitasaun iha IADE. Iha tempu ne’eba iha mos partisipasaun husi Direitor Informasaun Timor Telecom Sr. Manuel Carceres, ho apoiu husi Timor Telecom, oras ne’e IADE bele kria ona Sistema Informsasaun ba Tenderizasaun (SIT) atu haruka, liu husi SMS, informasaun konaba tenderizasaun no oportunidade emprezarial seluk tan ba emprezariu hotu. Emprezariu sira nebe’e rejista ona iha IADE no ninia Centros de Desenvolvimentu Emprezarial (CDE), sei hetan informasaun konaba tenderizasaun PDID liu husi SMS. Sistema Informsasaun ba Tenderizasaun (SIT) fasilita fahe informasaun konaba tenderisasaun PDID ba Administrasaun Distritu sira. To’o agora, IADE iha base de dados inklui 3,428 emprezas iha Timor-Leste tomak, emprezariu nebe maka seidauk simu informasaun liu husi SMS prezisa deit ba iha IADE ka Centro Desenvolimento Empresarial (CDE) iha distritu atu rejistu ninia empresa.

IADE oferese kursu espesializadu ida ba kontrator sira ho Sertifikadu Nasional iha Jestaun ba Proposta Konstrusaun no Kontratu Ki’ik. Kursu ne’e oferese sertifikasaun tuir padraun kompetensia Instituto Nacional (de Desenvolvimento da Mão-de-Obra (INDMO) nian) Sertifikadu Nasional ida ne’e iha unidade kompetensia tolu: 1. Prepara no hatama proposta ida ba tenderizasaun; 2. Planeia no maneija finansa negosiu ki’ik nian; no 3. Maneija funsionamentu negosiu ki’ik. Sertifikadu Nasional ida ne’e dezeña ba kompañia konstrusaun ki’ik na’in ka jestor sira nebe’e hakarak atu hadi’a sira nia abilidade hodi hatama proposta ba tenderizasaun governu nian no maneija kontratu ba proposta ida nebe’e susesu. IADE hetan apoiu husi Tulun Irlanda/Irish Aid liu husi Projetu Business Opportunities and Support Services (BOSS) nebe’e Organizasaun Internasional ba Traballu (ILO) mak implementa.

Imagen1, SEDL Sr. Samuel Mendonca ho Direitor Nasional Informasaun IADE Sr. Estevao Belo

Imagen2, SEAPRI Sra. Veneranda Lemos Akompania husi Direitor Executivo IADE Sr. Hernani Viterbo

Imagen3, SEAPRI, Sra. Veneranda Lemos, SEDL Sr. Samuel Mendonca no Direitor Nasional IADE Sr. Estevao Belo

Imagen4

Imagen5

Imagen6

Imagen7

Imagen8

Imagen9

Imagen10

Imagen11

Imagen12

Imagen13

Imagen14

Share this post


Social Media Auto Publish Powered By : XYZScripts.com