SEAPRI realiza sorumutu ho representante Embaixada iha Timor Leste

Dili – Iha loron 26 Fulan Novembru 2014 Sekretaria Estadu ba Apoiu i Promosaun Seitor Privadu (SEAPRI) Veneranda Lemos, realiza sorumutu ho representante Embaixada iha Timor-Leste, liu husi Introdusaun Sekretaria Estadu hato’o katak objectivu husi Sorumutu ida ne’e fahe informasaun kona ba planu realizasaun expo ho topiku “"Timor Leste International Building & Construction Expo" ne’ebe sei realiza iha tinan oin iha loron 5 to’o 9 fulan Maio 2015, no iha momentu ne’e Sekretaria Estadu mos hato’o informasaun ba embaixada sira atu bele kopera hamutuk Governu Timor Leste fo apoiu atu bele lori empresarius husi sira nia nasaun no ne’ebe exixti ona iha Timor Leste hodi bele partisipa iha expo“"Timor Leste International Building & Construction Expo" . Iha sorumutu ne’e mos Directur Executivu (IADE) Hernani Viterbo Soares halo mos apresentasaun ho detalhado kona ba lalaok expo refere, iha aprezentasaun ne’e reprezenta Embaixador iha Timor-Leste apresia tebes ho planu ne’e, katak sira sei kopera diak ho Governu Timor- Leste hodi bele lori sira nia empresariu sira atu bele partsipa iha expo ne’e tuir informasaun ne’ebe iha katak expo ne’e sei konvida empresariu sira ne’ebe halao negosiu iha area konstruksaun husi nasaun visinho sira atu bele hola parte, no sai hanesan oportunidade ida ba empresa sira husi rai liur atu bele halo promosaun ba produtu ka material ne’ebe foun ho teknologia modernu no inovasaun iha seitor konstruksaun, i mos hanesan oportunidade ida ba empresariu sira atu kria relasaun negosiu ho empresariu lokal no mos buka informasaun oportunidade negosiu no investimentu iha Timor Leste, Fatin realizasaun ba expo iha Timor Plaza Dili. Representate Embaixada iha Timor Leste ne’ebe mak partisipa iha sorumutu ne’e mak hanesan Embaixada Filipina, Australia, Amerika, New Zeland, Japão no Portugal.

Share this post


Social Media Auto Publish Powered By : XYZScripts.com