Premeira FEIRA ho Konseitu ligasaun Negosiu iha rai laran

Iha loron 18 de Outobro de 2012, Instituto de Apoio ao Desinvolimento Empresarial (IADE) institusaun ida ne’ebetutela iha Secretaria de Estado ba Apoiu no Promosaun Seitor Privadu (SEAPRI) hamutuk ho Ministerio Agrikultura e Peskas hodi organiza iventu importante ida ne’ebe ho tema “promove oportunidade negosio ba industria aihan no hemu”.

Feira TIFOBE iha exhibitor nain 48 ne’ebe variativu, hanesan negosiante modo, produktor produto aihan, susuben forekeli ka snack artesenatos, supermerkado, restorante, nomos exibitor ne’ebe mai husi Indonesia hanesan asosiasaun franchise. Iha mos stand ne’ebe organiza husi Ministeriu Agrikultura no Peskas hanesan AgroBisnis.

Feira refere nia fokus ba business to business no hala’o ho objetivu atu oinsa emprezarios lokal no internasional nebe hala’o aktividade negosiu iha area aihan no hemu bele hasoru malu, halo interaksaun, tranzaksaun atu eksplora no oferta oportunidade negosiu ne’ebe benefisia tebes iha Timor Leste. Ida ne’e mak fatin atu hetan tren konsumidores nian, produtu inovativu, linha merkado no oportunidade negosiu foun, informasaun konaba industria aihan no hemu iha Timor Leste.

Programa hirak nebe inklui iha feira TIFOBE nian maka hanesan: Kompetisaun Kulinaria ho mestre tein Timoroan, Cooking Revolution (aprezentasaun tein) ho star chef (mestre tein) husi Indonesia ne’ebe hatudu tren no fashion husi aihan sira, realiza Talkshow konaba Franchising ne’ebe oferese oportunidade negosiu foun ne’ebe diak iha rai laran, oinsa bele kria ligasaun entre faan nain no sosa nain, TIFOBE organiza sesaun ‘Business Networking’ atu exhibitor sira no visitante emprezarios bele hasoru malu diretamente.

Loron 18 fulan Outobro hanesan Loron Mondial Aihan (World Food Day). Ne’e duni, Ministerio Agrikultura parseria ho IADE organiza mos seminariu konaba hortikultura ba saude, nutrisaun no siguransa aihan durante loron rua. Feira TIFOBE hahu durante loron 18 ate 22 fulan Outubro tinan 2012, hahu husi horas 10.00-20.00 OTL. Orsamento prinsipal ba feira ida ne’e mai husi Governo. TIFOBE mos hetan apoiu husi Projetu Business Opportunities and Support Services (BOSS), ne’ebe Organizasaun Internasional ba Traballu (ILO) mak implementa ho apoio finanseira husi Irish Aid. TIFOBE mos simu apoio hanesan sponsor husi GIZ no Mercy Corps.

Share this post


Social Media Auto Publish Powered By : XYZScripts.com