Sobre IADE

 Establesidu iha 2004, Instituto de Apoio ao Desenvolvimento Empresarial ne’e instituisaun autonomia ida ne’ebé titularia iha Ministro De Estado Coordenador Dos Assuntos Economicos. IADE inkaregadu atu ajuda Dezenvolvimentu Timor-Leste nian liu husi fornesimentu asistensia ba dezenvovimentu negósiu hirak la’o hela no sira ne’ebé foun.

Ami foku liu ba fó treinamentu pratika, akonselllamentu no servisus apoiu negósiu – ajuda negósius dezenvolve sira nia kapasidade internu rasik para bele sa’e, duke fornese finanseiru ou asistensia rekursu.

Misaun IADE nian

“Atu fó podér ba emprezárius Timor-Leste sai boot no riku liu husi fahe servisus apoiu ne’ebé relevante no fó impaktu negósiu boot”

Atu hala’o ne’e ami parseiria ho doadóres boot sira, ajénsias govenu no lokál no ONG internasionál, atu fó apoiu maxímu ba negósiu sira – husi kompañia boot to’o emprezárius-mikro ki’ik liu sira iha área remotas munisípius nian.

IADE: Komitidu ba Timor-Leste

Timor-Leste_map1

Timor-Leste halo ona pasu boot iha hadi’a nia infraestrutura. Maibe jéografikamente la-tetuk, sai dezafíus no kultura oin-oin no variasaun linguistika siknifika ne’e presiza tebe-tebes atu hili parseiru negósiu establesidu ida ho rede di’ak ida.

Xave vantajén di’ak ida husi IADE nian mak ami iha eskritórius, aulas treinamentu no pesoál treinadu tebe-tebes sira iha Munisípiu 12 ne’e hotu. Ne’e siknifika ami bele oferese treinamentu boot no kompletu no servisus negósius nian atraves Timor-Leste laran tomak. Alkanse ne’e partikularmente importante wainhira fornese akonsellamentu ou konsellu sai husi Dili – ezemplu ba negósiu lokál ki’ik sira, feto rurais no grupus seluk ne’ebé defísil atu to’o ba ou presiza atu visita fali.

Importante liu mak, ho ami nia istória naruk servisu iha Timor-Leste, no iha funsionáriu permanente 100 liu, ami iha kapasidade atu fó apoiu asistensia projetu kontinuasaun ida ba ami nia klientes ativu sira. IADE sei iha Timor-Leste ho servisu-naruk, asegura kontinuasaun klientes, no konservasaun aprendizajen instituisaun nian.

Karik ita-boot sira buka hela parseiru apoiu negósiu ba tempu naruk ida iha Timor-Leste, kontaktu IADE agora.

 

Social Media Auto Publish Powered By : XYZScripts.com