Membru AEMTL partisipa formasaun Kontraktor iha IADE

DILI –Membru AEMTL (Associação Empresarial das Mulheres de Timor Leste) partisipa formasaun kontraktor iha IADE (Instituto de Apoio ao Desenvolvimento Empresarial), objetivu husi formasaun ne’e atu hasa’e kunhesementu emprezaria Timor oan hodi desenvolve seitor privadu iha nasaun doben ne’e.

Formasaun ne’e hamutuk klase tolu, iha klase premeiru komesa iha 11-15 Marsu 2013 partisipante mai husi direitor kompania no tekniku sira hamutuk 17, feto nain 9 no mane nain 8, ba klase segundu hahu fali iha 18-22 Marsu 2013 partisipante nafatin sei mai husi direitor kompania no tekniku hamutuk 12, feto nain 5 no mane nain 7. Materia ne’ebe maka IADE oferese maka hanesan (Price and Bidding) no BMC (Business Management Construction) Finansia ita nia negosiu, Konseitu arus kas, Neraca, Site Visite, Siklus procurement, Sura kustu direitu projeitu, Kustu indireitu projeitu (BOQ), Prepara dokumentus ba tenderisasaun. Ba klase terseiru komesa iha 1-5 Abril 2012 partisipante mai husi direitor kompania deit, tamba materia ne’ebe maka oferese iha diferensia ho naran BMC (Business Management Construction), partisipante hamutuk 18, feto nain 17 no mane nain 1. Sra. Leontina dos Santos nain ba kompania Royal Timorense Lda. partisipante ba formasaun ne’e hateten katak liu husi formasaun ne’e ba oin bele prepara mesak BOQ, bele hala’o gestaun diak liutan iha kompania, no mos iha sugenstaun katak se bele fo mos opportunidade ba empresariu hotu atu hodi bele partisipa iha treinamentu ne’e.

Liu husi formasaun ne’e atu oinsa bele kapasita no hasa’e sira nia konhesementu diak liu tan iha area negosiu ne’ebe maka sira iha, Importansia husi formsaun ne’e atu oinsa desidi presu ba BOQ projeitu nia no oinsa atu jere kompania iha gestaun finanseiru no mos bele halo relatoriu ho diak liutan. Depois formasaun remata IADE iha planu atu hala’o akonseilamentu ba kontraktor nebe maka sai ona kliente IADE no sei fasilita informasaun liu husi SIT (Sistema Informasaun Tenderisasaun) ne’ebe iha IADE.

Imagen1, imagen2, imagen3, imagen4, imagen5, imagen6

Imagen7, imagen8, imagen9, imagen10, imagen11

Share this post


Social Media Auto Publish Powered By : XYZScripts.com