Kompetisaun Plano Negosiu Inovativo 2017

Muda o nia moris liu husi Inovasaun Negósiu

IADE end user clients

 

Saida mak Kompetisaun Planu Negosiu Inovativo?

Agora dadauk IADE hahu ona loke REJISTU ba Kompetisaun Planu Negosiu Inovativu!

Karik hakarak tebes ona atu muda ita boot sira nia moris liu husi hahu negósiu ida, ou buka dalan foun atu dezenvolve ita boot sira nia negósiu ne’e bé existe hela, ne’e mak opportunidade ba imi.

Hahu kedan iha 2013, IADE nia planu kompetisaun negósiu Inovativo fornese ona treinamentu, akonselhamento no suporta ona Timor oan atus ba atus. Mos oportunidade atu sai ida husi  “na’in 10 selesionadu iha leten”  ne’ebé tama hodi apresenta sira nia planu iha ceremonia importantante ida iha Timor Plaza, aplikante hotu-hotu elejível ba treinamentu no apoiu atu dezenvolve sira nia ideias negósiu.  Ne’e mak ita boot sira nia oportunidade atu:

  • Buka hatene karik mundu negósiu ne’e ma kita boot sira nian duni
  • Aprende konaba (skills) negósiu foun
  • Hetan ajuda atu dezenvolve no planu ita boot sira nia idea negósiu
  • Liga ho empresáriu sira seluk iha ita boot sira nia munisípiu
  • Hetan públisidade ba ita boot sira an rasik no ita boot sira nia idea negósiu
  • Partisipa hodi manan premiu boot hodi ajuda hahu ita boot sira nia negósiu rasik:
    • $5,000 Premiu ba manan premeiru ba planu ne’ebé di’ak liu
    • $4,000 Premiu segundu
    • $3,000 Premiu terseiru
    • $1,250 premiu especial ba ida ne’ebé estabelese nia planu hodi’ak liu
    • $1,250 premiu especial ba negósiu ne’ebé existe hela no di’akliu

Ne’e kapas, involvimentu no nia kustu $3 deit atu tama!

Kritérius saida deit mak bele tama?

Importante liu mak atu iha ideias balun kona-ba kualker negósiu ita boot sira hakarak atu dezenvolve, no atu hanoin kona-ba dalan balun bele halo ne’e inovativu ou di’ak liu fali sira seluk-seluk. Ideias ita boot sira nian la presija dezenvolvidu tomak – iha parte kompetisaun ne’e ami sei ajuda ita boot sira atu hadia no simplifika .

Kompetisaun ne’e loke mós ba negósiantes foun ne’ebé hakarak los atu establesidu, OU ema hirak nia negósiu existe hela ho ideais inovativu kona-ba oinsa atu lori sira nia negósiu iha diresaun foun sira.

Kritérius ira seluk mak:

  • Provas kata kita boot nia idade 17-45 anos
  • Provas katak ita boot sidadaun Timor-Leste
  • Karik ita boot mak na’in ba negósiu ne’ebé existe hela, ami sei presija atu haree ita boot nia rejístrasaun negósiu

Saida mak hau atu halo tuir mai?

Resposta deit pergunta sira iha okos, no ami sei kontaktu atu fó hatene tan ba ita boot  kona-ba kompetisaun ne’e. Depois ne’e mak ita boot presija atu visita IADE/CDE nia eskritóriu iha ita boot sira nia area atu priense formuláriu rejistrasaun ida no selu $3 ba rejistu ne’e. (Ou, para poupa tempu bele download formuláriu rejistrasaun tomak iha pagina ne’e no priense hotu kedas antes ita boot sira ba). Numeru kontaktu sira no fatin eskritóriu IADE nian bele haree iha ami nia pajína kontaktu.

Rejistu ita bo’ot nia interese ba iha KPNI:

Naran Kompleto(Tenki Prienche)

Idade (Tenki Prienche)

Sexo (Tenki Prienche)
 Mane Feto

Municipio (Hili Opsaun 1)

Numero Telefone (Tenki Prienche)

Email (Tenki Prienche)

Ita bo'ot iha situasaun ida nebe?: (Hili Opsaun 1)
 Agora dadaun hau laiha negosiu maibe hau hakarak atu hahu negosiu Agora dadaun hau iha negosiu nebe hau hakarak atu muda no halo diak liu tan

Obrigado ba ita boot rejístu ona iha KPNI 2017. Karik ita boot presia liu tan informasaun, ita boot bele kontaktu ami iha:

                Telefone: +670 3310161

                Email: kpni@iade.gov.tl

 Ou manda mensajem ruma iha ami nia pajína Facebook

Social Media Auto Publish Powered By : XYZScripts.com