IADE suporta EBAI Talho ho ligasaun negosiu

Secretária de Estado para o Apoio e Promoção do Setor Privado Sra. Veneranda Lemos, no Secretario de Estado da Pecuária Sr. Valentino Varela, inagura Loja Na’an EBAI iha loron 25 de Janeiro 2013. Loja EBAI Talho agora dadaun sai hanesan empreza uniku mak fornese na’an fresku local ho standard higiene internasional iha Timor Leste.

EBAI Talho nia na’an mai husi karau vaka nebe’e oho iha Matadoura Nacional Tibar tuir tekniku modernu no procedimentu higiene sanitaria standard internasional. Ne’e inklui pre no post inspesaun husi Doutor veterinario husi Ministerio de Agricultura e Pescas (MAP) atu bele garante produtus na’an nebe’e fresku no diak. MAP assina tia ona kontratu ho EBAI atu gere no halo funsiona Matadouro Nasional.

Trabalhador EBAI Talho durante ne’e hetan ona formasaun atu hasae konhecemento husi specialista internacional kona ba oho karau no koa na’an ho kualidade ne’ebe diak hanesan atensaun especial iha aspetu higiene no saude publika. Inagurasaun ba loja na’an EBAI Talho organiza husi Instituto de Apoio ao Desenvolvimento Empresarial (IADE) nebe’e iha Secretaria de Estado para o Apoio e Promoção do Setor Privado (SEAPRI) nia okos. IADE organiza http://www.iade.gov.tl/media/uploads/_mg_1542.jpginagurasaun ne’e hanesan eventu ida ba programa ligausan negosiu. Ligasaun negosio hanesan dalan ida atu oinsa bele apoio EBAI TALHO hodi hetan komprador nebe’e diak e sustentavel hanesan super merkadu, restorantes no hotelaria sira.

Programa ligasaun negosiu hanesan asistensia foun ida husi IADE atu bele fasilita ba emprezariu sira. Etapa primeiro husi programa ne’e mak IADE sei ajuda identifika no halo ligasaun negosio entre parseiru empreza sosa nain/fa’an nain nebe’e potensial. Emprezarios fa’an nain/sosa nain bele hetan komprador no fornesedor nebe’e diak e sustentavel.

Imagen 1.konvidados partisipa iha inagurasaun

Imagen 2.konvidados partisipa iha inagurasaun

Imagen 3.SEAPRI (Sra. Veneranda Lemos) hato’o lia menon

Imagen 4.SEAPRI ho SEP tesi fita hodi inagura Loja EBAI

Imagen 5.SEAPRI, SEP no Ministro Saude

Imagen 6. Na’an nebe maka fa’an iha loja EBAI

Imagen 7. Fa’an na’an ho modelu oi-oin

Share this post


Social Media Auto Publish Powered By : XYZScripts.com