IADE realiza sorumuto hamutuk ho presidente CCI-TL husi distrito 13

DILI-Presidente CCI-TL husi Distritos sira partispa sorumuto hamutuk ho funcionario IADE, iha momentu ida ne’e IADE apresenta programa servisu no aktividades ne’ebe estabelese husi IADE atu apoio seitor privadu liu husi dalan Formasaun ou kapasitasaun empresarial no Informasaun Empresarial. Iha momentu ida ne’e IADE apresenta programa foun ba formasaun nian ne’ebe hare liu ba kapasitasaun empresario sira ne’ebe halao servisu iha area konstruksaun formasaun ida ne’e ho naran formasaun kontraktor ida ne’e apresenta husi Sra. Beatriz dos Santos ne’ebe asumi kargo hanesan Diretora Diresaun Nasional Formasaun e Consultoria Empresarial IADE, Sra ne’e hato’o kontiudo husi materia formasaun kontraktor, no iha oportunidade ida ne’e Sra. Ana Maria Rangel Parada ne’ebe asumi kargo nudar Diretora interina Executivo IADE hato’o mos programa feira ne’ebe IADE sei realiza iha loron 11 -13 de de Agusto 2014 , iha momentu ida sra. Directora hato’o kona ba lalaok feira no preparasaun IADE nian hodi organiza feira ida ne’e ne’ebe ho Tema Timor Leste Building and Contruction Expo 2014. No kontinua kedan ho apresenta sistema elektronika foun ne’ebe IADE uja hodi fahe informasaun kona ba tenderizasaun no informasaun negosio balu ne’ebe relevante ba empresario sira iha Timor Laran tomak ho naran SIT (Sistema informasaun ba tenderizasaun). Sorumutu ida ne’e realiza iha loron 7 de Febreiru 2013 iha fatin Salaun encontro IADE, durante apresentasaun hetan mos aprisiasaun husi president CCI-TL sira husi Distrito no mos sujestaun balu atu bele hadia diak liu tan programa sira ne’ebe IADE iha.

Share this post


Social Media Auto Publish Powered By : XYZScripts.com