IADE realisa audisi final Kompetisaun Plano Negosiu Inovativo

Dili- Iha Tersa, 17 Setembru 2013 Direitor Exekutivu IADE, Sr. Hernani Viterbo da Costa anunsia katak Instituto ba Apoiu Dezenvolvimentu Emprezarial (IADE) tama ona ba audisi final Kompetisaun Planu Negosiu Inovativu nebe’e sei halo/realiza iha hotel Timor-Plaze Kompetisaun Planu Negosiu ne’e hanesan inisiativa uniku ne’ebe dezenha atu fo korajen ho ideas ne’ebe inovativu, no ba negosiu nebe mak foin atu implementa.

Objectivu husi Kompetisaun Plano Negosiu Inovativu ne’e atu promove Produtu no servisu Inovativu ho kualidade hodi Promove Kultura Emprezarial iha Timor-Leste hodi bele kontribui ba dezenvolemento Ekonomia Timor-Leste nune’e emprezaio sira bele hatene diak liu tan no buka ideas Negosiu nebe Inovativu e oinsa sira bele halo planu negosiu ida ho diak no sustentavel atu hodi bele identifika no difini lolos saida maka sai prioridade liu atu implementa iha tempu badak. Kompetisaun ne’e mos fo oportunidade ba emprezariu sira spesifikamente ba joventude, empresariu feto sira no geral hodi prepara sira nia an nune’e bele introdus no produs produtu nebe ita konsidera foun ka inovativu nebe ikus mai iha esperansa bo’ot sira bele kuda kultura emprezarial nebe adekuadu no sustentavel.

Prosesu selesaun ba Kompetisaun Planu Negosiu Inovativu ne’e, liu husi prosesu nebe naruk tebes hahu husi faze identifikasaun atu hetan partisipantes, depois faze registrasaun nebe hetan kompetitor hamutuk 285 pessoas, tama ba Faze selesaun hetan 60 no 30 kompetitor depois ikus mai hetan ema 10 kompetitor mak tama ba iha Audisi Final ho ideas negosiu nebe diferente. Kompetisaun ida ne’e interesante tebes ho nia prosesu nebe naruk atraves aktividades hanesan treinamentu no akonselhamentu ba kandidatus sira atu prepara didiak sira nia planu negosiu nune’e bele kompete iha faze final, parte ida ne’e ita konsidera hanesan oinsa bele motiva ita nia kandidatus empresariu e sira nebe hari’i tiha ona empresa atu prepara sira an ho diak iha vida negosiu nian. Oportunidade aprezentasaun planu negosiu final (final round) sei realiza iha hotel Timor Plaza iha Loron 18-19 Fulan Setembru Tinan 2013, oras hahu husi 08.00-15.30 OTL ho nia moto “Fasil Sai Empresariu”. Liu husi oportunidade ne’e husu ba publiku, liu-liu Joventude mane no feto atu mai asisti ka partisipa diretamente nune’e bele hatene resultadu final nomos hetan informasoens nebe adekuadu konaba kompetisaun planu negosiu inovativu ne’e rasik.

Keta lakon oportunidade hodi partisipa resultadu final ba eventu kompetisaun planu negosiu inovativu iha momento ida ne’e, tamba iha oportunidade ne’e ita bo’ot sira sei hetan esperensia foun nebe’e diak atu bele dezenvolve ba vida emprezarial iha futuru nomos bele kria kampu de trabalhu ba an rasik. Husi resultadu kompetisaun planu negosiu inovativu ne’e depois iha loron 20 fulan setembru tinan 2013 sei fo resultadu final ba manan nain, nain tolu nebe maka konsidera tuir kategoria Jovem Feto no Geral. Iha Kompetisaun Planu Negosiu Inovativu ne’e sei hetan sertifikadu no premiu orsamentu tuir kategoria nebe maka planeadu tiha ona.

Share this post


Social Media Auto Publish Powered By : XYZScripts.com