IADE fornese formasaun Negosiu Agrikultura iha distritu Bobonaro

Maliana-Iha fulan Fevereiru 2014 IADE fornese formasaun kona ba Negosiu Agrikultura iha distritu Bobonaro grupu agrikultor ne’e organisa husi ONG Internasional World Vision. Liu husi formasaun ne’e bele aumenta sira nia kbi’it no matenek kona ba vida negosiu agrikultura i bele jere ho diak no labele gasta osan arbiru maibe tengke gasta tuir nesesidade nebe persisa, material ne’ebe IADE oferese maka hanesan;Teoria Agrobisnis nomos pratika, Oinsa halo planu sosa no fa’an produtu ne’ebe sira produs hodi mantein nafatin kualidade, Oinsa buka merkadu nomos aprende konaba kontabilidade. Formasaun ne’e hala’o durante loron tolu iha Bobonaro-Maliana komesa dia 19 to’o 21 Fevereiru 2014. Liu husi formasaun ne’e agrikultor sira bele hatene diak liutan oinsa halo planu, hatene no kupriende atu buka merkadu hodi halo’o negosiu nebe diak liutan iha future. Alende ne’e IADE-CDE mos sei tau matan nafatin ba agrikultor sira ne’ebe maka IADE-CDE oferese ona formasaun, liu husi halo monitorisasaun no avaliasaun i akompanhamentu no akonselhamentu. Iha dadalia badak ho partisipante formasaun Sra. Guilhermina Soi Dau Nunes katak sente kontenti liu husi formasaun ne’e sira bele kumpriende aoinsa atu fa’an sira nia produtu ho folin nebe diak ho kualidade, ho kualidade nebe diak bele hetan mos lukru ne’ebe diak.

Share this post


Social Media Auto Publish Powered By : XYZScripts.com