IADE fahe informasaun ba estudante

Dili – Estudante ne’ebe representa universidade (UNDIL, IOB, UNPAS,UNITAL, STVJ Camea) partisipa iha workshop komerselizasaun servisu IADE Dili iha loron 17 de November 2014 no estudante sekundaria vokasional Bekora iha loron 21 de novembru 2014 , Objetivu workshop ida ne’e atu fahe informasaun kona ba servisu IADE ne’ebe bele fo apoiu ba estudante (finalista) sira ne’ebe halao nia estudu iha area ekonomia i mos estudante ne’ebe partisipa formasaun vokasional ne’ebe iha relasaun ho area ekonomia. Durante workshop informasaun ne’ebe fahe ba estudante sira husi IADE mak hanesan programa servisu saida deit mak bele ajuda ba estudante sira wain hira sira akaba sira nia estudu no hakarak moris nudar vida empresarial. Husi informasaun ne’ebe IADE fahe hetan atusiasmu makas husi estudante sira atu buka hatene ho klean kona ba programa servisu IADE ne’ebe fo benifisiu ba sira hodi bele kria kampu de trabalhu ba sira nia an iha futuru. Programa komersializasun hanesan programa foun ida iha IADE atu bele hakbesik an liu ba grupu alvu sira atu bele fahe informasaun direita no koalia direita tuir necicidade informasaun hirak ne’e ne’ebe liga direita ho servisu IADE mak hanesan (Formasaun kona ba jestaun negosiu,akompanhamentu no akonselhamentu empresarial, oportunidade negosiu liu husi informasaun no promosaun empresarial, apoiu negosiu, peskiza merkadu.

Share this post


Social Media Auto Publish Powered By : XYZScripts.com