Hakiak Fahi Mos Bele Subtenta Moris Uma Laran

pic 4

      Foto. Modelo fahi luhan

Sr. Jose dos Santos Gomes, Moris iha Posto Administrativo Fatumea, iha data 13 de Março de 1948, no nia hela fatin atual agora iha Aldeia Ai-Taman, Suco Maudemo, Posto Administrativo Tilomar, Municipio Covalima, hahu ninia atividades hanesan Agrikultor hakiak fahi iha tinan 2005, ho total fahi rasa nia oan tolu (3) Inan rua (2) no Aman ida (1), nia sosa deit iha ema ne’ebe uluk iha fahi rasa hanesan nia maibe agora dadaun ema sira ne’e nia fahi laiha hotu ona, nia sosa fahi oan ne’e ida folin $. 15.00 tolu ne’e hamutuk $. 45.00, ho osan $ 45.00 ida ne’e mak hau moris ho sira ( fahi ) to’o agora subtenta hau nia Moris no bah au nia Oan sira to’o escola remata hotu iha Univercidade, balu hotu ona balu sei kontinua hela iha Dili no balu mos iha Rai Liur ( Indonesia ). Iha tempu Indonesia ami mos hakiak duni fahi maibe la hanesan agora, uluk hahan soe los depois fahi folin la iha maibe agora fahi folin maka’as kadaves folin liu fali karau, tamba dala ruma cultura ne’e presiza mak fahi entaun hakarak ka lakoi maske folin liu karau ita tenki sosa.

Timor Leste Ukun rasik a’an buat hotu iha mudanca, hanesan ita nain maka hamosu ideia atu hakiak fahi maibe Governo Timor Leste sei buka tutuir ita oinsa maka ita ne’e bele susesu iha moris lorloron, liliu ami ne’ebe maka moris agrikultor hanesan hakiak fahi no fa’an fahi. Uluk hau seidauk hetan treinamento hau lahatene los atu fa’an oin sa no kalkula kustu sira ne’e oinsa maibe

                                                      depois  hau partisipa treinamento iha CDE/IADE Suai Municipio Covalima ne’ebe maka Facilita husi GIZ, pic 6hau komesa mudah ona hau nia hanoin ne’ebe maka uluk husik to’o Nia nain bot mak kaer hodi ba Fa’an maibe agora dadaun ne’e lae atu fa’an nian nee hatama iha laluhan ketak ida para ita bele sura ona ita nia osan ba fulan no tinan nian hira. Ho muda hanoin ida ne’e hau hakfodak tamba hau bele hetan osan to’o $.3’000.00 to’o $. 5’000.00 ba tinan 2015 no 2016 ne’e no agora dadaun hau iha tan ona fahi Rasa husi Rai Liur Alemaña ninia Inan rua Aman ida

ne’ebe maka inan rua refere besik ona atu hahoris, tamba tekniku atu oinsa maka fo kaben no buat sira ne’e hotu hetan ona Formasaun husi Parsero Desenvolvimento GIZ ninian tekniku sira ne’ebe maka mai husi estrangeiro.

Planu Sr. Jose dos Santos Gomes ba oin kada fulan ne’e bele fa’an fahi oan total 10 to’o 20 no fahi aman boot bele fa’an 5 to’o 10 kada tinan, tamba fahi boot ne’e han tempu uit oan antes nia atu sai boot ka atu tama Mercado livre. Oras ne’e dadaun Sr. Jose dos Santos Gomes, sente orgullu no kontente tamba depois de Treinamento refere ami bele moris hanesan ema Agricultor hakiak animal liliu fahi maibe hanesan mos ema negosiantes tamba ami hakiak hodi fa’an atu nune’e bele kompleto ekonomia famila ninia ne’ebe maka durente ne’e ita labele responde iha tempu badak, Sr. Jose dos Santos Gomes mos halo value Change maka’as tamba tuir nia konta katak haruka agrikultor atu lori Aifarina fa’an ba nia deit, labele fa’an to’o iha Suai, tamba maske ho falin laanesan iha Suai maibe hau sosa hotu hira-hira maka emi lori mai hau, ida ne’e nia sente hanesa nia mos apoio maluk agrikultor seluk ne’ebe maka halo deit to’os la hakiak fahi hanesan ho nia ( Sr. Jose dos Santos Gomes ).

Liafuan ikus husi Sr. Jose dos Santos Gomes hanesan mos liafuan Recomendasaun ida ba  CDE/IADE katak, labele hein ami husu maka ita boot sira mai visita ami maibe pelu menus Visita Regular nee tenki iha mai ami, husi Sr. Jose dos Santos Gomes Ninia liafuan refere hau mos hakfodak no fo deit hanoin katak iha tempu besik ami sei fila fali mai atu nune’e Sr. Jose dos Santos atu submete Proposta atu nune’e ita bele tau matan nafatin ba ninia negosio refere.

 

Share this post


Social Media Auto Publish Powered By : XYZScripts.com