vqq-client3

Being in businesses means dealing with cashflow, stock control, inventory, pricing and many other issues. IADE’s training helps entrepreneurs find solutions to these challenges.

Involve ona iha negósius signifika liga ona ho osan tama sai, kontrola sasán, inventória, folin no kestaun barak sira seluk tan. IADE nia treinamentu ajuda emprezárius buka solusaun ba dezafius hirak ne’e.

IADE fornese programas treinamentu deseñadu espesifiku atu ajuda negósiu medida ki’ik no mediu sira ne’ebé existe hela para hadi’ak sira nia planeamentu negósiu no habo’ot lukru.

Ami nia “Hadi’ak Ita boot nia Negósiu Rasik” treinamentu nia objetivu mak atu halo emprezáriu hirak existe hela bele hetan koñesimentu barak liu tan kona-ba pratika negósiu di’ak, hasa’e sira nia konfiansa iha hala’o negósiu no ajuda hadi’a dalan ligasaun ne’ebé sira halo ho klientes, fornesedóres no sosa-na’in sira.

Topiku hirak importante kobre ona iha treinamentu ne’e inklui:

  • Planeamentu negósiu. Tamba saida mak ne’e importante no oinsa atu halo planu negósiu nian ida di’ak
  • Kustu, no fa’an produtus no servisu sira. Oinsa atu sukat no kalkula ita boot nia kustu sira
  • Analis no jestaun osan tama-sai. Oinsa atu evita para osan labele hotu
  • Inventáriu no kontrola sasán. Oinsa atu kaer-metin nafatin ezijénsia ne’e
  • Jere ita boot nia livru rejistu/arkuivu para evita problemas.
  • Halo negosiasaun no servisu ho sosa-na’in no fornesedór sira.
  • Kalkulasaun lukru no presus
  • Kompriende ‘vokabuláriu negósiu’. Aprende lian negósiu nian.

Aspetu xave husi treinamentu ida maka tenke uja ezersísiu pratika hodi asegura partisipantes bele haktuir aprendezajen sobre kestaun loro-loron nian hirak ne’ebé infrenta iha sira nia negósiu. Nafatin iha parte ne’e, partisipantes prepara planu asaun ne’ebé bele aplikadu ba sira nia situasaun espesifiku sira.

Ba informasaun barak kona-ba ami nia treinamentu atu Hasa’e Imi nia Negósiu, kontaktu Departementu Treinamentu IADE nian agora!

 

 

Social Media Auto Publish Powered By : XYZScripts.com