Delegasaun BIC Jakarta –Indonesia visita IADE

Dili-Iha 17-21 Fevreiru  2014 Instituto Apoio ao Desenvolvimento Empresarial (IADE) konvida delegasaun Business Innovation Center husi Jakarta-Indonesia mai halo visita IADE.  objetivu husi visita ne’e (BIC)  mai halo observasaun ba programa  foun IADE nian ne’ebe foin implementa ho naran FIN (fasilita inovasaun negosio)   programa ida ne’e fo apoio  empresario nebe iha negosiu ho produtu inovativu, nebe bele inklui asesu ba teknologia no treinamentu tekniku, asesu ba finansa no formasaun jestaun negosiu.  Tan ne’e iha plano  IADE  sei kopera ho BIC Jakarta liu husi akordu ho BIC iha fulan Marsu nia laran. I tuir observasaun ne’ebe iha  antes atu asina akordu ne’e delegasaun  sei hala’o uluk observasaun kona ba situasaun realidade nebe maka Timor Leste hasoru hela ho observasaun ne’e maka bele sai sasukat  ba Business Innovation Center bele apoio IADE tuir situasaun realidade Timor Leste persisa, antes ne’e IADE mos hala’o ona estudu konparativa iha Jakarta iha fulan Otubro 2013 liu ba. Delagasaun Business Innovation Center (BIC)  durante semana ida nia laran hala’o visita mos fatin negosio Kandidatu nain tolu  ne’ebe manan ihaKompetisaun Plano negosio Inovativo 2013  e mos fatin sira seluk hanesan tuir mai ne’e:

• Ministerio Agrikultura, hasoru malu ho Sr.Lorenço Fontes, Director Geral MAF

• Ministerio Turismo, hasoru malu ho Sr.Aquilino Cairo, Director Nasional Marketing MT

• CCI-TL Liquica, ho Sr. Vicente(Rai Los)

• Fundasaun Centro Treinamentu Komunidade (FCTK),

• Grupu produsaun Masin Ulu-Mera sub-distritu Basartete Distritu Liquica,

• Centru Treinamentu Vocasional Tibar (CTVT)

• Talho Moris

• Vice president CCI-TL, Sra. Kettling Gonsalves

• SEAPRI, ho Sr.Tony Duarte no Sr. Eusebio Guterres

Durante visita Executive Direitor BIC Sr. Kristanto Santoso halo mos intrudusaun badak kona ba servisu BIC nia  Business Innovation Center hanesan Instituisaun ida hari hodi motiva Governo, seitor privadu, no produtor sira ho objetivu atu oinsa bele ajuda hadia ekonomia iha nasaun ida liu husi INOVASUN.

 

 

 

 

Share this post


Social Media Auto Publish Powered By : XYZScripts.com