Chefe no funcionario tekniko husi CDE partisipa formasaun

Atu estabelese diak program ne’ebe programado ona IADE (Instituto de Apoi ao Desenvolvimento Empresarial) ne’ebe hetan suporta husi projecto BOSS (Business opportunities and support Sevices)  fo kapasitasaun tan ba chefe no funcionario tekniko informasaun husi CDE (Centro Desenvolvimento Empresarial) iha distritu kona ba programa “ ligasaun merkado (bussiness matchmaking) ho programa informasaun negosio” ne’ebe halao durante loron ha’at nia laran hahu husi data 10- 12 de Desembro 2012 iha fatin ETDA Dili, programa hirak ne’e hanesan programa ne’ebe importante tebes . Programa ligasaun merkado hanesan programa foun ida foin estabelese iha IADE, tamba programa ida ne’e hanesan dalan ida atu fasilita empresario sira hodi aumenta sira nia rendemento, ho maneira hanesan IADE fasilita buka informasaun, fahe informasaun no fasilita ligasaun entre faan nain no sosa nain.

Program informasaun negosio hanesan programa ne’ebe iteresante, tamba ho programa ne’e IADE bele habelar non fasilita tan informasaun oi-oin ne’ebe iha relasaun ho negosio ne’ebe diak i bele fo benifisiu ba seitor privadu hodi bele desenvolve diak liu tan sira nia negosio. Objetivo husi treinamento ida ne’e atu haklean tan konhesemento funcionario sira nian, no hasae tan sira nia kapasidade hodi bele fo atendimento ne’eb diak ba maluk empresario sira. .

Share this post


Social Media Auto Publish Powered By : XYZScripts.com