Apresentasaun no resultadu ikus kompetisaun Planu Negosiu Inovativo

Dili– Loron 18 to’o 19 Setembru 2013 apresentasaun ikus ba Planu Negosiu Inovativo, Secretaria de Estado para o Apoio e Promocão do Seitor Privado Sra. Veneranda Lemos maka halo abertura ba actividade ne’e iha deskursu SEAPRI hateten katak “kompetisaun ne’e foin premeira hala’o iha Timor Leste no wainhira negosiu ida atu lao ba oin tengki ema nain 10 ou liu mak hodi tau hanoin hamutuk, SEAPRI husu ba Timor oan hotu hodi halo tuir finalista nain sanulu ne’e wainhira atu hari’i negosiu tengki hare ba opportunidade nebe iha inovativo, IADE laiha osan atu fo maibe IADE nia knar maka fahe metenek nebe mak IADE iha, SEAPRI husu ba Empresariu atu hadia mentalidade wainhira atu sai empresariu ne’ebe fasil e susesu, SEAPRI mos husu parabens ba IADE ne’ebe maka inisiativa hodi hala’o eventu ne’e e parabens mos ba finalista nain 10(sanulu) no lahaluha agradese mos ba sponsor sira nebe maka durante ne’e suporta ba actividade ne’e” finalista nain 10(sanulu) mai husi feto nain 3(tolu) no mane nain 7 finalista nain 10(sanulu) mai husi Idea Negosiu Inovativo oin-oin mak hanesan:

1. Adelina Meluk de Jesus husi Same, Manufahi Multi Teknik Massage husi Difisiente

2. Rui M. P. Soares husi Fatumeta-Dili Produsaun Sofa iha Timor Leste

3. Osvaldo Pagimanan husi Dili Sanan Rai ba Miniatur

4. Elidio dos Santos husi Lautem karpintaria manutensaun ba mobiliarius

5. Joaquina da Silva husi Bahu-Baucau Jardim no Vaso

6. Thomas da Costa Bucoli-Baucau Bucklat(Bucoli kulat)

7. Zelia Maria Atauro-Dili Boneca Atauro

8. Serpa da C. N. Freitas VeraCruz-Dili Produsaun kulat Fresku

9. Aderito Punef Oe-Cusse Kriasaun Manu Timor uja makina Penetasan Inkubator

10. Johanes da Cruz Atabae-Maliana Telha Atabae

Finalista nain sanulu apresenta sira nia idea negosiu inovativu ho diak, tim Juri mai husi empresario nasional Sra. Milena Abrantes, Sr. Nilton Gusmão, husi BNCTL Sr.Zelio Amaral no husi IADE maka Sra. Beatriz Santos. Tim juri halo avaliasaun ba finalista nain sanulu ne’e basea ba kriteira ne’ebe maka comisaun organisadora IADE defini tiha ona. Dia 20 Setembru 2013 loron ikus ba eventu ida ne’e. Iha loron ne’e mos fo sai avisu ba kandidatu nebe maka hetan valor diak ho idea negosiu ne’ebe inovativo tuir Tim juri sira nia observasaun durante loron rua nia laran. Premiu fahe ba kategoria tolu maka hanesan kategoria Feto, kategoria Joven e kategoria Geral, resultadu ikus ba ketegoria feto sra. Adelina Meluk de Jesus husi Same, Manufahi ho idea negosiu inovativu maka Multi Teknik Massage husi Difisiente, ba Kategoria joven Sr. Osvaldo Pagimanan husi Dili Sanan Rai ba Miniatur, kategoria geral Sr. Aderito Punef Oe-Cusse Kriasaun Manu Timor uja makina Penetasan Inkubator. Premiu orsamentu hamutuk USD $ 15.000.000.00 fahe ba kandidatu nain 3(tolu) ne’e ba kandidatu 1(ida) hetan $ 5.000.00 orsamentu ne’e sei entrega tuir faze sei la entrega dala ida deit. iha mos premiu surpresa husi embaixada Amerika katak halo viagem ba Malaisia Zelia Maria Atauro-Dili Boneca Atauro kandidatus ne’ebe maka hetan oportunidade ne’e. Kandidatus nain 7(hitu) ne’ebe maka la liu hetan mos sovenir husi Timor Telekom no apoiu orsamentu husi empresario nasional CNT.

Share this post


Social Media Auto Publish Powered By : XYZScripts.com