A Idade é Apenas um Número, O Negócio Não Conhece a Idade

Oportunidade negosiu atu hetan benefisiu laos ba jerasaun foun deit maibe ba jerasaun tuan mos bele, ba tinan avansadu/idojos ho hanoin no forsa nebe’e limitadu laos impaktu ida atu troka  moris sai diak liu tan.

Sr. Jaime Lemos Correia Moniz Moris iha Municipio Lautem ho idade 63 anos hela iha Lospalos wilah Sr. Jaime iha interese no komitmento atu ajuda komunidade agrikultor sira iha Municipio Lautem liu husi negosiu fa’an na’an manu lokal.

Liu husi esperiência ne’ebe hetan,  hamutuk ho BFZ/Alemanha ne’ebe halao kooperasaun de servisu ho Câmara Comércio e Indústria Timor Leste, sai hanesan konsultor ba servisu ne’e, hare katak Timor Leste iha potensia boot no recursos naturais, hodi bele usa, hanesen meio ba desenvolvimento económico, hodi hadia  povo  nia moris. Tamba iha areas rurais ita nia inan, aman ho maun alin sira, iha sira nia moris loron-loron halao hela atividades iha area agricultura liliu kuda ai han no hakiak animal.

Iha Tinan 2012 iha loron Sabadu tempo basar Sr. Jaime lao ba mercado Municipio Lautem, iha ne’eba  Sr. Jaime hare Inan Aman sira lori manu Lokal husi foho mai  fa’an iha Merkado Lospalos, sira tur kleur hein atu ema bele sosa sira nia manu lokal ne’e. Maibe sira la sente kalan mos mai dadauk ona, ema mos fila dadauk ona tamba basar besik atu remata, maske hanesan ne’e maibe Inan Aman sira ne’ebe fa’an manu lokal la sente kole atu hein ema mai sosa sira nia manu lokal ne’e, hodi sira bele fila fali ho Kareta Angguna ba ida idak nia hela fatin/Aldeia. Manu ne’ebe la sosa sira lori fila fali. Ho realidade ne’e Sr. Jaime sente triste no komesa hakbesik ba sira no finje sosa manu inan ida  husi sira.

manulocalSr. Jaime husu ba sira ho pergunta! dehan imi sidauk fila ga, lokraik ona ne’e? Sira dehan, ami nia manu lokal ne’e ema sidauk sosa hotu, ami tenke fa’an lai hodi bele hetan osan lalais tamba ami presiza osan hodi ami nia oan sira ba eskola.

Sr. Jaime rona lia fuan ne’e ho triste no nia fila ba uma hanoin no hanoin oin sa atu ajuda sira no oinsa atu halo produtu ida, hodi produtu nebe’e bele sai produtu konsumtivu e bele hetan mercado iha rai laran liliu iha Municipio Lautem nune bele ajuda inan aman nebe fa’an manu lokal.

Iha fulan Agosto tinan 2013 Sr. Jaime hamutuk ho BFZ/Alemanha lori grupu hakiak karau vaka ho sistema “paronisasi” iha Aldeia Iparira,  Posto Administrativo Lautem ba Kupang-Indonesia hodi halao visita komparativo. Iha ne’eba hetan oportunidade hodi koalia ho Diretor Kooperativa “PUSKUT” NTT hodi halao visita ba fatin grupu sira hakiak karau vaka.

Ses husi ne’e Sr. Jaime aproveita hare mos oinsa mercado ba manu lokal no oinsa halo na’an manu lokal hodi fa’an ba mercadu.

Hare katak  na’an manu lokal iha potensia bo’ot, Grupu sira nebe hakiak manu lokal hetan moris diak e sira usa sira nia produtu rasik ba konsumu doméstiku.

Ho esperiensia ida ne’e Sr. Jaime fila mai, hanoin oinsa atu implementa nia mehi ne’e hodi kria kampu de trabalho rasik?. Maibe la kleur hetan informasaun husi  Instituto de Apoio ao Desenvolvimento Empresarial “IADE” nia representante, “CDE” iha Municipio Lautem,  nudar Instituto “Mata dalan ba negosiu”. fo sai informasaun konaba Kompetisaun Planu Negosiu Inovativo (KPNI) Sr. Jaime partisipa oportunidade ida ne’e hodi apresenta nia ideia negosiu liu husi KPNI. ho laran triste Sr. Jaime la liu kompetisaun ne’e maibe nia motiva nia a’an nafatin no hakbesik a’an ba CDE Lautem buka informasaun, esforso ne’ebe nia halo iha folin duni nune nia hetan finansiamentu husi IADE liu husi programa FIN iha 2014 ho montante osan $ 2000.00 ho montante ida ne’e nia sente la tuir nia planu negosiu maibe nia esforso no pasensia realiza ninia mehi/Negosiu ne’e to fulan ne’en, iha fulan ne’en nia laran nia komesa sosa manu lokal husi inan aman sira no nia oho tiha manu hirak ne’e hatama ba plastiku no fa’an fali ba warung no komunidade sira iha Municipio Lautem.

Lukru likidu ne’ebe nia hetan kada fulan oituan deit iha fulan ne’en nia laran nia negosiu konsege kolekta osan $ 600.00. ba nia lukru likidu /pendapatan bersih.

Iha tinan 2014 CDE Lautem Acompanha nafatin Aktividade Sr. Jaime, tamba aktividade lao ho diak maibe hetan difikulidade nafatin konaba equipamentus ne’ebe presiza atu fasilita nia negosiu,

Sr. Jaime hetan Apoia osanmento tan iha tinan 2016 fulan Janeiro husi IADE liu husi programa FIN nafatin ho montante osan $. 8400.00. ho montante ida ne’e Sr. Jaime kontente tamba nia bele sosa equipamentus ne’ebe nia negosiu presiza atu halo prosesamento na’an manu.

Husi fulan Janeiro Sr. Jaime komesa fa’an ona nia produtu na’an manu lokal ba iha Dili hanesan Supermerkadu W. Four, Lider no Restaurante Akait. Kada fulan setor na’an manu ho total rata-rata 135 kabesas en pakote ba DILI.

Iha tinan 2016 Sr. Jaime fa’an na’an manu lokal hamutuk 1623 plastiku/kabesa no hetan total osan tama iha tinan ida nia laran hamutuk $ 16,684.00.

Agora Sr. Jaime dehan kontente liu tamba nia ajuda ona maluk agricultor sira maske ladun siknifikante no benefisiu husi negosiu ida ne’e maibe bele ajuda ona ekonomia uma laran nomos ba ekonomia maluk sira ne’ebe fa’an manu lokal ba nia.

 

 

Share this post


Social Media Auto Publish Powered By : XYZScripts.com